Udalbatzak egindako osoko bilkuretako aktak jarriko dituzte ikusgai hemendik aurrera Udalaren webgunean. Aho batez erabaki zuen udalbatzak urtarrilaren 27an egindako osoko bilkuran. Hain zuzen ere, urtarrilean egindako bilkura haren akta dagoeneko ikusgai dago.
Eskoriatzako udalbatza alkateak, udal-buru legez, eta hamar zinegotzik osatzen dute eta bilkurak, gutxienez, hilean behin egiten dituzte. Ohikoak edo ezohikoak izan daitezke eta herritarrendako zabalik izaten dituzte beti ateak, udal agintariek herriaren gainean hartzen dituzten erabakiak ezagutzeko. Osoko bilkuretan hartutako erabaki horiekin akta egiten du udal idazkariak eta akta horiek dira, behin udalbatzaren onarpena jasota, ikusgai jarriko dituztenak.
Hala, bada, osoko bilkuretako aktek lekua izango dute Udalaren webgunean eta dataren arabera ordenatuta jarriko dituzte.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
