Bereziki Gorka Azpitarteren eta Jurdan martitegiren aurkako atxiloketan bortizkeria handia erabili zutela salatu du Amnistiaren Aldeko Mugimenduak "lurrera bota eta esposatuak zituztela aurpegia zapaldu zieten eta ostikoz jo zituzten behin eta berriz. Gorkak medikuen asistentzia behar izan zuen ondoren. Aurpegian ubeldura ugari ditu eta puntuak ditu eskuin bekainean eta ezkerreko masailean. Aurpegia lurraren aurka edukita harri bat sartu zitzaion azalean eta harria atera behar izan diote. Alexek berriz ezpaina zauritua du eta kolpeak ditu gorputzean. Bortizkeria guzti hau poliziek beraiek mugikorren bidez grabatu zutela ikusi ahal izan zuten atxilotuak, hainbat argazki atera eta grabaketak egin zituztelarik."