Onbide.org elkarteak salatu du bidegorriaren proiektuaren gainean zerbait ezkutatu dutela

Iker Barandiaran 2007ko api. 3a, 19:44
Onbide.org elkartekoek jakinarazi dute Udalak onartu berri duen bidegorriaren proiektuaren gainean zalantza handiak dituztela. Hain zuzen ere, aditzera eman dute 1998an Jaurlaritzako Ingurumen Sailak ingurumen deklarazioa onartu zuela, eta han azaltzen zela bidegorria autobidearen kalteen neurri konpentsatzailea izango zela; lanok Aldundiko Errepide Sailak egin beharko zituela; eta proiektua urtebeteko epean aurkeztu beharko zela.


Onbide.org-k gaineratu du sasoi hartan Antton Jaime zela Aldundiko Errepide Saileko zuzendaria; eta 9 urte pasata, Udalak ordainduta, bidegorrien proiektua Jaimek berak zuzentzen duen Injelan enpresak idatzi duela.
Elkartearen kezka da proiektu horren zati bat Udalak ordaindu behar izatea, Aldundiak bere gain hartu beharrean. Bukatzeko, aditzera eman dute Aldundiaren bitartez jakin dutela jendaurrean jarri berri duten proiektua 2005etik idatzita dagoela.  

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak