Nazioarteko bi programa emango dituzte HUHEZIn ingelesez

Programak zuzenduta daude Europako Erasmus truke-programa burutzen ari diren ikasleei, baina munduko edozein tokiko ikasleek ere egin ahal izango dituzte.

Ikastaroak

• Media and Minority Languages da ikastaro baten izena, Hedabideak eta Hizkuntza Gutxituak, eta prestaturik dago komunikazioko ikasleentzat. Bertan aztertuko dira euskarazko hedabideak. Halaber, ikasleek praktikaldi bat egingo dute tokiko hedabide batean.
• Education and Minority Languages da bigarrenaren izena, Hezkuntza eta Hizkuntza Gutxituak, eta bertan aztertuko da  Hezkuntza testuinguru eleaniztun batean (euskara, gaztelania eta ingelesa). Hemen ere, ikasleek praktikaldi bat egingo dute haur eskoletan.

Unibertsitateak egonkortu nahi duen hezkuntza-esperientzia pilotua da, eta hezkuntza munduan ibilbide luzea duten Norvegia, Danimarka, Finlandia, Holanda, Belgika... herrialdeetan du jatorria.

Ikastaro horien helburua da lankidetza eta ikasleen zein irakasleen mugikortasuna bultzatzea, Europako programetan parte-hartzea sustatzea eta beste unibertsitate batzuekin alde biko akordioak eragitea.