Natura 2000 sarearen erakusketa egubakoitzera arte luzatuta

Biodibertsitateari buruzko "Bizitzeko tokiak, pertsonentzako tokiak" erakusketa beste astebetez egongo da Eskoriatzan, horrela bada otsailaren 26ra arte, egubakoitza, ikusteko aukera egongo da Ibarraundi museoan.

Zer da Natura 2000 sarea?

Europar mailako Sarea da, 1992an Habitat Zuzentarautik abiatutakoa. Biodibertsitatearen ikuspuntutik beharrezkoa da basa-landare eta animaliak babestea eta horretarako haiek bizitzeko behar dituzten tokiak eta baldintzak ere babestu behar dira. Hori dela eta, landaretza, fauna eta ekosistema bereziko Europako tokiak hautatu eta haiek babesteko Natura 2000 Sarea sortu zen.  

Oraindik hala ere, amaitu gabe dagoen prozesua da eta aurreikusten da 2020. urtean Sareko eremu guztiak finkatuta egongo direla eta horietarako kudeaketa planak martxan. 

Natura 2000 sarean bi eremu mota daude: Garrantzi Komunitarioko Lekuak eta Hegaztientzako Babes Bereziko Eremuak. 

Ordutegia:

Asteartetik ostiralera:

  • 9:00-14:00
  • 17:00-19:00

Informazio gehiago:

Ibarraundi museoa: 943 71 54 53

Erakusketa: "Natura 2000, bizitzeko tokiak, pertsonentzako tokiak"

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.