Egubakoitzean abesbatzak entzuteko aukera izango da San Pedro elizan, 19:30ean. Eskoriatzako Musika Eskolak antolatuta, Eskoriatzako eta Oñatiko umeak ibiliko dira kantuan.
Lehenik eta behin, Eskoriatzako Musika Eskolako abesbatzak hiru abestiz osatutako emanaldia egingo du. Eskolako abesbatza 10 eta 11 urte bitarteko gaztetxoek osatzen dute, eta honako kantuok aurkeztuko dituzte jende aurrean: Seme baten tristura, Barber shop blues eta Caresse sur l´ocean, hain zuzen ere. Horien ostean, Oñatiko Ganbara Txikik hartuko du ikuskizunaren lekukoa.
Ganbara Txiki
Ganbara Txiki 10 eta 16 urteko bitarteko 43 abeslarik osatzen dute. Hasieran eliz musika landuko dute. Horien artean, Xabier Sarasuaren Pater Noster. Horren ostean, hainbat pieza folkloriko eskainiko dituzte: Pasaian xexenak, Irish lullaby edota Akai harra japoniarra.
Horrez gain, Eva Ugalderen Cubanita pieza ere entzungai izango da. Guztira, 12 abesti eskainiko dituzte.