Horrez gain, unibertsitateko kontzertua dela-eta, zapatuan, 21:00etatik kontzertua amaitu arte, Santa Anatik Tesaraino doan bidea ibilgailuendako guztiz moztuta egongo dela azaldu du. Beraz, goitik behera joaten diren autoak tren geltoki zaharretik Dorletarantz desbideratuko dira eta behetik gora joan nahi dutenek saihesbidea erabili beharko dute.
Udalak gaineratu du tren geltokiko aparkalekuan auto-karabanek lehentasuna dutela eta unibertsitateko bi aparkalekuak itxita egongo direla.
Autobus geltokiak
Bestalde, autobus geltokiak, Aingeru Guardan -Alza parean- eta Intxaurtxuetan egongo dira eta zaborra betiko egunetan jasoko da, baina goizez.
Azkenik, Udalak eskoriatzarrei jakinarazi die larrialdirik gertatuz gero, udaletxeko telefonoa -943 71 44 07- erabilgarri egongo dela.