Bere osaba Aitorrek animatuta hasi zen etxean xakean jokatzen, eta jokoak zeharo harrapatu zuen. "Asko gustatzen zait jokatzea, logika erabiltzea eta pentsatzea. Gainera, oso dibertigarria eta interesgarria da, nahiz eta jende askok aurkakoa dela pentsatu".
Iaz Arrasateko Xake Taldearekin txapelketetan esku hartzen hasi zen; eta aurten, berriz, ligan ere esku hartzen dihardu.
Eskoriatzan ez dago halako talderik, eta Aretxabaletakoan ez dago bere adineko jokalaririk. Eguaztenero joaten da Xake taldeak Arrasaten, San Andres auzoan, daukan elkartera. Horrez gain, etxean ibiltzen da ordenagailuaren kontra jokatzen.