Ondorengorik ez dutelako, Eskoriatzan egun zeuden lau mojak herria utzi eta beste egoitza batzuetara joango dira. Egubakoitzean, beraiek urtetan egindako lanaren errekonozimendu gisa, plaka bana jaso zituzten.
Sor Teresa, Sor Pilar eta Sor Arantxak gaur utziko dute Eskoriatza. Sor Maria Angeles, berriz, atzo joan zen Eskoriatzako zaharren egoitzatik. Lau moja horiek bi eta 16 urte bitartean egon dira Eskoriatzan eta denetariko lanak egin dituzte denbora tarte horretan.
Pena pixka bat ematen die Eskoriatza uzteak, baina beraiek badakite ez direla betiko toki berean egongo.
Egubakoitzean Mesedeetako Amaren egunez, agur ospakizuna egin zuten Eskoriatzako zaharren egoitzan eta egondako denboran egindako lana eskertzeko, mojek plaka bana jaso zuten agur ospakizunean. Ospakizun berezia izan da, beraz, aurten Mesedeetako Amaren egunez egindakoa.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak