2003an sortu zen esandako taldea, Leihotikan, Cuerno de Chivo eta Gen 54 taldeetako kideekin; urtebete geroago, lehenengo diskoa grabatu zuen: Casi perfekto. 2006an, ostera, Todo va bien izeneko bigarren lana kaleratu zuen laukoteak. 14 kantuz osatutako lan hartan hainbat kolaborazio izan zituzten; tartean, Mareako Cesar eta Colibri, Leihotikan taldeko Titi, eta Patxi y sus Mariatxis taldeko Patxi. Atsenalditxo baten ostean, joan den urtean, Gor Diskaken eskutik, La alegría de molestar diskoak ikusi zuen argia; Memoren benetako ispiritua batzen duten 15 abesti.
Urriaren 13an, gartzia de Oltza
Bestalde, datozen hilabeteotarako egitaraua gertatzen hasi da Aitzorrotz. Urriaren 13an, esaterako, Iñaki Gartzia de Oltza mendizale nafarraren ikus-entzunezkoa izango dela aurreratu digute; 19:00etan hasiko da, kultura etxean.
Gatibu, zea Mays eta amaiur
Abenduan, ostera, Aitzorock jaialdia egingo dute bigarrenez. Abenduaren 11n izango da kontzertua kiroldegian. Aurten ere talde bikainak izango dira: Gatibuk disko berriaren Gipuzkoako aurkezpen kontzertua eskainiko du; Zea Maysek ere lan berria aurkeztuko du. Amaiur eta talde sorpresa ere iragarri dituzte Aitzorrotzekoek egun horretarako.