Urriaren 28an Espainiako Eliza Katolikoak 498 erlijioso eta erlijiosa beatifikatzeko prozesua hasi zuen. Horren harira, Eskoriatzako Ezker Batuak-Berdeak taldeak jakitera eman du "bidegabekeritzat duela talde bakarrekoak omentzea".
EB-Berdeak taldeak gogora ekarri du Maringo parrokoa zen Jorge Iturricastillo Aldazabal 1936ko azaroaren 1ean atxilotu eta azaroaren 7an Artikutzan (Oiartzun) afusilatu zutela.
Oroimen historikoari kalte
Bando frankistakoek salataritzat hartu zuten Iturricastillo, eta salatu zuten parrokoak gazteak konbentzitzen zituela gorriekin burruka zezaten. Horregatik beste 200 hildakoekin lurperatu zuten, gurutze barik.
EB-Berdeak taldeak salatu du Elizak abiarazi duen beatifikazio prozesuaren helburua dela oroimen historikoaren kontra egitea.