Gipuzkoako Garapen Iraunkorreko Departamentuak dagoeneko egin du Eskoriatza-hilerria bidegorriaren bide zatiaren esleipena. Abenduaren 1eko Gipuzkoako Aldizkari Ofizialean argitaratu zuten Nafarroako Construcciones Mariezcurrena enpresa arduratuko dela tarte horretako proiektuaren lanak egiteaz, 797.572 euroren truke.
Zati horrek Eskoriatzako iparraldeko eta hegoaldeko bidegorriak gehiegiko aldaparik gabe lotuko ditu, eta, hortaz, obrak amaitzean, bidegorritik herri guztia zeharkatu ahal izango da. Hilerriaren azpitik doan antzinako trenbide-tunelaz baliatuko dira trazatua egiteko. Tarte motza da hilerrikoa: 300 metrokoa, hain justu ere.
Argia eta pantailak
Hegoaldeko zatiari dagokionez, lanak dagoeneko amaituta daude. Kilometro bateko luzera duen trazatu osoa argiztatu egin dute eta zarataren aurkako pantailak jarri dituzte errepidearen eta bidegorriaren artean.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak