Oihalak 09:00etatik 11:00etara zigilatuko dira herriko kultur etxean eta goiz osoa izango dute lan egiteko; izan ere, margolanak 13:00etatik 14:00etara bitartean entregatu beharko dira-eta Ibarraundi museoan. Jarraian, bazkaria egongo da 16 urtetik gorako parte-hartzaileendako, 14:30ean.
Epaimahaiaren erabakia, berriz, 18:30ean jakinaraziko da museoan eta jarraian, sari banaketa egingo dute. 16 urtetik gorakoetan (16 urtekoak barne) hiru sari egongo dira: irabazleak 500 euro lortuko ditu; bigarrenak, 250; eta hirugarrenak, 150. Adin horretatik beherakoetan, pintatzeko materiala irabaziko dute lehenengo hirurek.
Erakusketa, hilaren 28an
Margolanak martxoaren 28tik apirilaren 16ra ikusgai egongo dira Ibarraundi museoan. Horren harira, Udaletik gogorarazi dute saritutako margolanak antolatzaileen esku geratuko direla.