Eduki hau partekatzeko esteka arbelera kopiatu da.
Eguenean, abenduak 18, lau eta zortzi urte arteko umeendako ipuin kontaketa egongo da udal liburutegian, 18:00etan. Maite Frankok kontatuko dizkie hiru edo lau ipuin. Ekimen hori debalde da.
Frankok jakinarazi du ipuin bakoitzak, gehienez, 10-15 minutuko iraupena duela. Ipuin horiek interaktiboak izaten saiatzen dela ere azaldu du: "Haurren parte hartzeak bereziko garrantzia du, izan ere, asmakizunak, galderak, antzerki txikiak eta jolasak tartekatzen ditut saio osoan zehar".
Gustura dator Maite Franko Eskoriatzara. Horren harira, txalotu gura izan du bertako haurren jarrera: "Oso aktiboak dira neska-mutikoak eta ongi ohituta daude kontaketa arauak-eta errespetatzerakoan".
Esan bezala, eguenean izango da Maite Franko ipuin kontalaria uda liburutegian, 18:00etan.