40-47 emaitzarekin menderatu zituzten ordiziarrak. Erraza zirudien, baina ez zen hain samurra izan. Azken aurreko tokiko aurkaria izateak eta galtzeko ezer ez izateak, erlaxatu egin zituen Eskoriatzako neskak eta, partidua intentsitatez jokatu beharrean, gauza berriak probatzeko aprobetxatu zuten. Egindako probek ez zuten nahi bezalako emaitzarik eman, ordea, eta partidua galtzeko arriskuan egon ziren.
Taldean oso garrantzitsuak diren bi jokalari ere falta ziren eta horien falta sumatu zen errebotean. Laurdenen artetik eskasena azkenekoa izan zen Eskoriatzakoentzat: markagailuan hiru puntutako abantaila zutenean, Ordiziakoek berdindu egin zieten, hiruko saskiratze bat eginda. Berdinketarekin amaitu zuten neurketa eta luzapenenera joan behar izan zuten, beraz. Orduan lortu zuen Eskoriatzak garaipena: 40-47. Bigarren postuan jarri da, 20 punturekin.
Añorgaren bisita
Datorren astean etxean jokatuko dute, lehen tokian dagoen Añorgaren kontra. Partidu zaila izango da eta garrantzitsua: Eskoriatzak irabazten badu, Añorga porrot batekin joango da hurrengo fasera; bestela, lider, batere partidurik galdu gabe. Zapatuan izango da, 18:00etan hasita.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak