Hauek dira lehiaketako oinarriak: orri-puntuaren neurria 21 x 5,50 zentimetro denez, aurkeztutako lanek neurri horietakoak izan beharko dute; teknika eta gaia libreak izango dira; eta egilearen izenik gabe aurkeztu behar dira lanak, atzealdean lelo bat dutela. Horrekin batera, gutunazal itxi baten, lelo bera eta egilearen datuak adieraziko dira. Lanak udal liburutegira eraman behar dira.
Epaimahaiak egokien iritzitako orri-puntuaren egileak 300 euroko saria irabaziko du; bere diseinua Udalaren esku geldituko da, eta berak izango du hura argitaratzeko eskubidea; horrez gain, datorren urtean, lan hori erabiliko dute liburutegiko orri-puntu gisa. Bestetik, Udalak erakusketa antolatu ahal izango du aurkezten diren lan guztiekin.
Informazio gehiago, Eskoriatzako udal webgunean.