Kultura aretoarendako izenak proposa ditzakete herritarrek

Santa Anako komentu zaharrean egingo duten antzokia bukatuta egoten denerako, izena erabakita izan dezan gura du Eskoriatzako Udalak. Hala, Udalak gonbidatzen ditu herritarrak eraikin berrirako izenak proposa ditzaten.

Horretarako bi bide ipini ditu: euskara@eskoriatza.net helbide elektronikoa eta udaletxeko erregistroan sarrera egitea.

Izan ere, baliabide berri hori Zaldibar antzokia deitu dadin proposatu zuen osoko bilkuran Iñaki Pierrugues PSE-EEko zinegotziak. Horrek mahai gainean ipini zuen sarritan gertatzen den fenomeno bat, Udaleko Euskara arduradun Mari Carmen Arrietak dioskun moduan: "Horrelako eraikinak egiten direnean, inaugurazio bezperetan erabakitzen dira izenak, bat-batean, eta gura dugu aurrea hartzea".

Izenen bat proposatu gura duten herritarrei eskatzen diete, hori bai, izena justifikatu dezatela.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.