Gaur iluntzerako, esaterako, bost dokumentalen proiekzioa dago aurreikusita: Los elefantes nunca olvidan, La deseada justicia, La hipocresía del deseo, Nasija eta La maltratada historia de María. Bihar, martitzena, Invierno en Bagdad, Carretillas driver eta Las niñas y los niños ante la inmigración ikusi ahalko dira; eguaztenean, El viaje de Said, Hiyab, Revolución azul, Mohsen makes film eta Voyage en sol majeur; eta eguenean, azkenik, Trabajo infantil en Nablus eta Las Cruces poblado próximo.
Mugarik Gabek emanaldiak egiten dituzten erakundeei Emisio Eskubideak deitutako kanona eskatzen die. Horrekin lortutakoarekin, Kubako Gibara herrian egingo den hurrengo Zine Pobrearen Nazioarteko Jaialdia lagunduko dute. Irlan ekoizten den zine alternatiboa bultzatzen du horrek.