Auziak azaltzen duenaren arabera, 2005eko ekainaren 27an, Eibar-Gasteiz autobidearen Arlaban eta Eskoriatza arteko tramuaren erakusketa publikoa bukatu beharreko egunean, Eskoriatzako Udaleko Azpiegitura batzordeak erabaki zuen erakusketako epea luzatzeko eskatzea.
Udalaren eskaera hori Aldundira uztailaren 8an heldu zen, eta Audientzia Probintzialak jakinarazi du Udaleko Azpiegitura batzordeak erabaki hori hartu zuenetik dokumentu horri Udaletik irteera ofiziala eman zioten arte 10 egun pasa zirela. Hortaz, epaiak dio bi ordezkariek erabaki horren datak faltsutu egin zituztela.
Hasiera baten, Bergarako epaitegian fiskalak eta epaileak ez zuten deliturik antzeman.
Baina, Aldundiak berriro eraman zuen auzitara, Donostiara. Horren
ostean, akusazio partikularra, Aldundia, kasutik erretiratu zen, baina
fiskalak aurrera egin zuen.
2008ko apirilean deklaratzera
deitu zituzten, baina zigorrak 6 urtera artekoak izan zitezkeenez,
kasua Audientzia Probintzialera pasatu zuten.
Azkenean Audientzia Probintzialaren epaia jakitera eman dute: urte beteko eta bederatzi hilabeteko kartzela zigorra, eta epe horretan kargu publikorik ez hartzea.