Osoko bilkuran udalbatzarrak onartu zuen etxebizitza horien promozioa Lurzoruaren Legera egokitzea. Horrez gain, Jaurlaritzako Visesa agentziak bulegoa zabaldu du Santa Ana kaleko 19.enean, izenematea egiteko eta etxebizitzen gaineko informazioa banatzeko. Abenduaren 28ra arte egongo da izena emateko aukera.
Udalak promozioan esku hartzeko irabazien gehiengo eta gutxiengo kopuruak aldatu ditu. Interesatuek urtean 12.000 eta 43.000 urteko irabaziak izan beharko dituzte. Horrez gain, ezinbestekoa izango da azken 2 urteotan Eskoriatzan erroldatuta egotea.
Hasieran 20 aipatu zituzten arren, azkenean 31 izango dira Udalak bultzatuko dituen etxebizitzak. Bakoitzaren salneurria, garajea eta trastelekua barne (BEZ barik), 195.000 eta 224.000 euro bitartekoa izango da. Bederatzi etxebizitzek bina logela izango dituzte, eta horietako bi minusbaliotasuna dutenendako egokituta egongo dira. Gainontzeko 22k hiru logela izango dituzte. 70 eta 79 metro koadro bitartekoak izango dira.
Izenematea zabalik dago abenduaren 28ra arte Santa Ana kaleko 19. zenbakian, lanegunetan goizez eta arratsaldez.
ALBISTEAK MUGIKORREAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.