Urrian hasi eta ekainera arte iraungo dute eskolek. Alde batetik, larrua, ehoziria eta bainika, olio margoztatzea eta eskulanak izango dira erakutsiko dituzten gaietako batzuk.
Bestetik, antzerkiarekin eta sormenarekin lotutako eskolak ere prestatu dituzte ikasturte honetarako.
Ikastaro horietan esku hartzeko izenematea gaur, astelehena, zabaldu dute; eta bihar izango da horretarako azkeneko eguna. Interesatuek kultura etxera jo beharko dute 18:00etatik 19:00etara bitartean.
Antzerki eskolek 20 euroko matrikula dute (bazkideendako, 15 euro); eta beste ikastaroek 60 euroko matrikula (bazkideendako, 50 euro).