Ibarraundi inguruko urbanizazio plana herritarron ahotan dabil egunotan. Zalantza guztiak argitzeko, hitzaldia egingo dute bihar, martitzena, Ibarraundi museoan, 18:30ean. Alkateak, Juan Karlos Bengoak; Hirigintza saileko zinegotziak, Josu Ezkurdiak; eta urbanizazio proiektuaren egileak, Eduardo Satrustegi ingeniari donostiarrak, egingo dute berba.
Alkatearen esanetan, jendeari azalduko diote proiektua zelan dagoen, zelan egiten ari diren, eta erabaki berri diren aldaketak zeintzuk diren. Gaineratzen duenez, gutxi gorabehera, "jendeak badu horren berri, baina zehaztu egingo ditugu gauzak".
Hemendik 15 bat egunera, proiektua bukatuta egongo da, eta berau argitzeko hitzaldi gehiago antolatuko ditu Udalak.
ALBISTEAK MUGIKORREAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.