HUHEZIko ikasle eta irakasle talde batek Euskal Curriculumari atxikimendua eman dio

Eskoriatzako Ikasle Abertzaleak deituta, HUHEZI falkultateko Irakasle Eskolako ikasle eta irakasle talde batek agerraldia egin du gaur goizean Euskal Curriculumari euren atxikimendua emateko.

Unibertsitateko klaustroan elkartu dira guztiak, eta modu horretan adierazi dute bat egiten dutela Euskal Curriculumaren aldeko kanpainaren aldarrikapen, salaketa eta konpromisoekin. Iragarri dute ikasle bezala, eta etorkizunean irakasle moduan, Hezkuntza Sistema Nazionalaren eraikuntzan parte hartuko dutela eta Euskal Curriculuma ikasgeletan errealitate bilakatu dadin euren esku dagoen guztia egingo dutela. Amaitzeko beste Irakasle Eskoletako ikasleei deia luzatu diete pausu berdinak jarraitu ditzaten; Euskal Herri osoko hezkuntza zentroetan Euskal Curriculuma aplikatu dadin guztien elkarlana ezinbestekoa izango dela adierazi dute.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.