Orain arte urte guztirako eta urte erdirako abonuak zeuden aukeran, baina hemendik aurrera hiru hilabeterakoak ere eskainiko dituzte. Familia abonuaren kasuan 33,35 euro izango da eta banakako abonuaren kasuan 28,45 euro. Bestetik, Eskoriatzan erroldatutako familia ugariei udal kiroldegiko abonuan egiten dieten hobari bera aplikatuko diete txartel bateratuan ere.
Gainera, kantxa kirol jardueretarako ez den beste ekintza batzuetarako errentan hartzeko prezioak finkatu dituzte: egun erdia, 750 euro eta egun osoa, 1500 euro. Kultura, hezkuntza edo antzeko ekintzetarako erabiltzen bada ez diote kobratuko tasarik –dagokion batzordeak hala erabakiz gero–.
Gainerako tarifek ez dute aldaketarik izan. Hala, familia abonua, 128,90 euro izango da; banakako abonua, 94,30 euro –18 urtetik gorakoak–; eta txartel bateratu familiarra 194 euro.