Estatuko Gobernuak Errege Dekretua argitaratu du 2009an ekonomia suspertzeko helburuarekin, eta horretarako, diru laguntzak emango zaizkie udalei obra publikoak eta enplegua sortzeko inbertsioak sustatzeko. Eskoriatzako Udala diru laguntzetara aurkeztu daitezkeen proiektu eta obrak aztertzen ari da eta urtarrilaren hasieran aukeratuko dira lehentasunezkotzat jotzen direnak. Herritarren laguntza eskatu du udalak, gura duten herritarrek ideiak eman edo beraien iritziz herrian lehentasuna duten jardueren gaineko iritzia eman dezaten.
Nola aurkeztu proposamenak
Folio batean norberaren ustez proiektu, obra edo hobekuntza garrantzitsuenak labur azalduta.
Proposamenak modu anonimoan edo norberaren datuekin aurkez
daitezke. Azken kasu horretan, udalak aukera izango luke proposamena
egin duenarekin harremanetan jarri eta zalantzak argitzeko.
Non aurkeztu proposamenak
Proposamenak jasotzeko ontziak honako leku hauetan jarriko dira:
- Liburutegian
- Kiroldegian
- Udaletxean
Epea
Proposamenak egiteko azken eguna abenduaren 30a, martitzena izango da.
ALBISTEAK MUGIKORREAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.