Herriko musika taldeendako laguntzak gertu

Herriko musika taldeei grabazioak egiteko diru laguntzak emateko oinarriak argitaratu ditu Eskoriatzako Udalak. Diru laguntza eskatzeko epea abenduaren 15ean amaituko da.
Emandako laguntzaren zenbatekoa grabazioa edo edizioaren kostearen erdia izango da; grabazio bakoitzeko, gehienez, 1.100 euro emango dira. Oinarriek diote, gainera, Eskoriatzan bizi diren pertsonek osatutako taldeek izango dutela jasotzeko aukera, baldin eta taldeko partaideen erdia, gutxienez, eskoriatzarra bada. Interesatuek Udalako erregistro nagusian edo web gunean eskuratu ahal izango dute eskaera-orria. Astelehenetik barikura bitartean, 10:00etatik 13:30era, aurkeztu ahal izango da toki berean, oinarrietan eskatzen den dokumentazioarekin batera.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.