Andres Agirianok, Eskoriatzako aitonak, 102 urte bete zituen domekan. Familia artekoekin ospatu zuen eguna, eta eurekin bazkaltzeaz gain, urtero moduan musean jokatu ere egin zuen, baita gogor jokatu ere.
Gainera, Udaleko Gizarte Zerbitzuetako hainbat ordezkariren bisita izan zuen, eta horiek Gabonetako otar bat eraman zioten. Horrez gain, hainbat lagun eta senitartekoek ardoa oparitu zioten, Agirianok berak ardoak osasuna ematen diola esaten du-eta.
Bizkotxo-tarta ere eraman zituen, eta gogoz itzali zituen kandelak. Ez dakigu zer desio eskatu zuen.
Herriko nagusiena
Andres Agiriano Zubia Bolibar auzoko Karoi baserrian bizi da eta oso osasun ona dauka. Bera da herriko beteranoena. Udalerrian hiru lagun daude 100 urte baino gehiago dituztenak, eta 95 urtetik gorakoak aintzat hartzen baditugu, 11 dira adin hori gainditu dutenak.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
