Hasi dituzte AHTren lanak Eskoriatzan

AHT Gelditu Elkarlanak eta Eskoriatzako Marin auzoko bizilagun talde batek AHTren hastapeneko obrak abian ipintzea salatu dute. Hain zuzen ere, AHTrendako tunel bat egingo den lurretan, Eskoriatza eta Marin arteko bidean, hasi dira hainbat lan egiten.

Arbolak eta bestelako landareak mozten hasi dira dagoeneko eta hesiak ipini dituzte obrak blindatzeko asmoz. AHT Gelditu Elkarlaneko Mila Elortzak zera adierazi du: "Ez gara gora begira geratuko nahiz eta mugimendu hauek uda inguruan egiten dituzten, herritarren erantzuna ahalik eta txikiena izateko helburuarekin".

Marin auzoan ez ezik, hango auzotar batek esan digunez, Mazmela eta Zarimutz auzoetan ere hainbat garbiketa lan egin dituzte jadanik. Aramaiora doan tartean ere lanetan dabiltza.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.