Zapatuan izango da egun handia. 12:00etan txupinazoa egingo dute, eta 14:30ean, Mexiko jakiekin egindako bazkaria plazan –txartelak 15 euro–. Bazkalostea artista ezberdinen bidez animatuko dute. 18:00etan Eta nik sagar daramat nire baitan kale ikuskizuna egingo da. Amaitzeko, zuzeneko musika izango da Herriko plazan, mariatxi talde batek eta beste talde sorpresa batek joko dute.
Eskoriatza Aste Zapatistan murgilduta dago astelehenetik. Erresistentzian dauden komunitate zapatistei elkartasuna adierazteko astea da, eta antolatzaileen arabera, elkartasun keinu hori "inoiz baino beharrezkoagoa da orain, mendebaldeko gobernuak eta komunikabideak isilik daude-eta". Ekintza guztiak autogestionatutakoak dira, ez dute aste inongo diru-laguntzarik jaso.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak