Etxebarria markinarra da, eta iazko urtarrilean atxilotu zuten bizkaiko Lea-Artibai bailarako beste zazpi gazterekin batera. SEGIko kide izatea egotzita epaituko dituzte Espainiako Entzutegi Nazionalean, gaur hasita. SEGIko kideak ETAko kide ere badirela argudiatuta, zortzi urteko kartzela zigorra eskatzen du fiskaltzak gazteondako. Hauetatik sei kartzelan daude atxilotu zituztenetik, tartean Iban Etxebarria, Ezkerra ezizenez, eta HUHEZIko ikasle izandakoa.
Gaur hasita eta epaiketak dirauen artean 15 ikasle inguruk gose greba egingo dute Eskoriatzan, eta 25-batek-edo itxialdia fakultateko areto nagusian. Honez gain, bihar hasi eta egubakoitzera bitartean mobilizazioak egingo dituzte, 11:00etan eta 15:00etan.