Gorka Azpitarte eskoriatzarra atxilotu zuten zapatuan Ipar Katalunian

Usoa Agirre 2009ko api. 20a, 19:49

Gorka Azpitarte zapatuan atxilotu zuen Frantziako poliziak ETArekin hartu-emana zuelakoan, Jurdan Martitegi eta Alex Uriarterekin batera. Hiru atxilotuak Parisera eramango dituzte bihar, epailearen aurretik pasatzeko. Atxilotuak Parisera gaur eramatekoak ziren, baina Laurence le Vert epaileak horiek egindako adierazpenak eta atzemandako materiala aztertzen ari delako bihar eramango dituzte epailearen aurrera. Azpitarte inkomunikatuta dagoen bitartean egunero elkarretaratzea egingo dute Eskoriatzako plazan, 19:00etan.

Hiru atxiloketa horiez gain, beste sei lagun atxilotu zituen Espainiako poliziak Gasteizen, Otxandion eta Errenterian. Sei lagun horietatik bat, Olaritz Arakama, aske utzi zuten atzo, baldintzarik gabe.

Eskoriatzaz gain, atxilotuen gainontzeko herrietan ere mobilizazioak egingo dituzte egunotan.

Eskoriatza

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.

Harpidetza aukera guztiak