Gizonezko bat hilda agertu da bere etxean

45 urteko gizonezkoa hilda aurkitu zuten atzo, maiatzak 8, bere etxean. Bergararra zen, baina hamar hilabete zeramatzan Eskoriatzan bizitzen. Ertzaintza, hasiera batean, norbaitek hil ote duen ikertzen ibili da, baina, orain ez dute heriotza naturala izan denik baztertzen.

Gizonezkoaren gorpua 15:00ak aldera aurkitu zuten atzo, Santana auzoko etxebizitza batean. Hildakoaren bizilagunak adierazi duenez,  aurreko gauean, kolpeak entzun zituen goiko pisuan eta atzo goizean horren berri eman zion etxebizitza horretako jabeari.

Handik gutxira, alokairuan bizi zen gizonezkoaren hilotza aurkitu zuen jabeak bertan. 45 urte inguru zituen gizonak eta Bergarakoa zen arren, hamar hilabete zeramatzan Eskoriatzan bizitzen.

Ertzaintza heriotzaren zergatia aztertzen ari da eta datozen orduetan autopsia egingo diote.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.