Aste bukaera guztietan egongo da zer egina gaztelekuaren eskutik. Hauxe da, hain zuzen, eskaintza: hila asteko, perkusio ikastaroa egingo dute azaroaren 3an, zapatua, 17:00etan; hurrengo aste bukaeran, zapatuan eta domekan, gaztelekua margotzeko aukera izango da.
Hondarribira, skate egitera
Bestelako eskaintza bat izango da hilaren 17an, herritik kanpo, hain zuzen: Hondarribira irteera egingo dute, eta hango skate parkean ibiltzeko parada izango dute, beste gauza batzuen artean. 11:00etan abiatuko dira herritik, eta 19:00etarako, Eskoriatzan bueltan izango dira.
Azkenik, hilaren 24rako, frontenis txapelketa antolatu dute.