Norgehiagoka nahiko berdinduta hasi zen eta lehen laurdena nahiko parekatuta amaitu zen. Bigarrenean, baina, etxekoek defentsa gogortu zuten eta horrek eragina izan zuen markagailuan. Denbora gutxian hamar puntuko aldea lortu zuten (21-11). Aipatzekoa da zati horretan donostiarrek saskiratze bakarra egin zutela. Atsedenaldira 25-15 iritsi ziren.
Kontraerasoan ondo
Bigarren zatiko lehen laurdenean Fernando Rasoren neskek defentsa gogorra mantentzeaz gain, kontraerasoetan asmatu zuten eta aldea handitzea lortu zuten; donostiarrek baloi asko galdu zituzten eta etxekoek egoera horretaz baliatu ziren 11-0 partziala egiteko (41-23). Alde horrekin, azken laurdenean lasaiago jokatu zuten etxekoek; defentsan ahulago ibili ziren. Partidu amaierara 58-37 iritsi ziren.