Orain dela gutxi, Ezker Batua-Berdeak taldeak Gipuzkoako hainbat herritako zinegotziei eskatu zien udaletako artxiboetan begiratzeko ea 1949. urtean Francisco Franco ohorezko alkate izendatu zuten. Eskoriatzako EB-Berdeak taldeko zinegotzi Juan Luis Merino zeregin horretan ibili zen eta jakin zuen 1949ko abuztuaren 22an Laureano Uribarren Altuna alkate zuen udal korporazioak erabaki hori hartu zuela.
Hala, EB-Berdeak taldearen proposamenari kasu eginez, Udalak ezohiko osoko bilkura deitu du eguenerako, hilaren 6a. Are gehiago, puntu bakarrekoa izango da bilkura, 1949an egindakoa ere halakoa izan zelako: diktadorea ohorezko alkate izatearen erabakia indargabetzea.