Aurten 100 urte bete dira Felix Likiniano Arrasaten jaio zela. Hala ere, familia hori Arrasaten, Eskoriatzan eta Donostialdean bizi izan zen. Gerora, lanarengatik, Madrilera jo zuen eta han anarkismoan buru-belarri sartu zen. CNTn garrantzizko karguak izan zituen eta behin baino gehiagotan atxilotua izan zen.
Espainiako Gerran hainbat frontetan izan ziren Casilda Hernaez bikotekidea eta biak borrokan, eta azkenean Frantziara alde egin behar izan zuten. Han, kontzentrazio esparruetan izan ziren; eta gerora Miarritz izan zuten bizileku. Han, babes handia eman zien errefuxiatu ugariri. Likiniano eta Casildaren gaineko hainbat liburu argitaratu izan dituzte.
Haren lagun eta senideek azpimarratu izan dute oso pentsamendu irekia zeukan anarkista zela, borrokalaria eta etorkizuna ikusteko gai ere bazena.