Euskadiko emakumezkoen saskibaloi selekzioak lagunarteko partidua jokatu zuen atzo Intxaurtxuetan Lituaniaren aurka. Goi-mailako partidua izan zen. Euskadik ezin izan zuen Lituaniako selekzioa gainditu. 56 eta 72 bukatu zen partidua.
Euskadiko selekzioarentzat oso garrantzitsua da Lituaniakoa bezalako selekzio indartsu baten aurka jokatzea. Urtean zehar Lituaniak selekzioen arteko partidu eta txapelketa ugari jokatzen ditu eta euskal saskibaloi jokalarien maila neurtzeko froga ona izan zen atzokoa.
Nahiz eta partidua ez irabazi, bigarren aukera bat izango dute Euskadiko selekzioko neskek: asteburuan, Nazioen Arteko 3. saskibaloi txapelketa jokatuko dute Durangon Lituaniako, Galiziako, Kataluniako eta Euskadiko selekzioek.
Lagunarteko partidua izan zen, baina garrantzi handikoa Eskoriatzako Kirol Elkartearentzat: lehen aldia da nazioarteko selekzio batek Eskoriatzan jokatzen duena.