Programa honen bidez deitutako dirulaguntzen zenbatekoa 2.000 eurokoa da 2008 urterako. Interesatuek joan den ekainaren 11ko Gipuzkoako Aldizkari Ofizialean aurkituko dituzte laguntza horien oinarriak.
Euskararako laguntzak
Eskoriatzako Udalak, bestalde, euskararen erabilera normalizatzeko dirulaguntzak emango ditu. Guztira, sei laguntza daude: euskara hutsezko errotuluak jartzeko, irudi korporatiboa euskaraz jartzeko, euskarazko webguneak sortzeko, enpresetan euskara planak sustatzeko, euskara ikasteko eta euskararen normalizaziorako ekintzak eta egitasmoak aurrera ateratzeko. Oinarriak ekainaren 11ko Gipuzkoako Aldizkari Ofizialean daude.