Helburua
Esaldi lehiaketa honen helburua San Pedro jaiak girotuko dituen esaldi jator bat aukeratzea da, herriko plazan jarriko den kartel batean herritarrak animatzen egongo den esaldi jatorra. Gainera, irabaziko duen esaldiarekin eta onak diren beste hiru bat esaldirekin pegatinak aterako dira, jaietan edozein taberna edo txokotan hartu ahal izango direnak.
Epeak eta sariak
Esaldiak maiatzaren 25a eta ekainaren 3a bitartean aurkeztu behar dira, Kultur Etxeko eta udaletxeko eskapeetan jarriko diren buzoietan. Epaimahaia Udal euskara azpibatzordea izango da eta hark emandako epaia ekainaren 6an ezagutu ahal izango da webgune honetan. Irabazleek jaietan herriko jatetxe batean afaltzeko aukera izango dute eta pegatinak egiteko erabiliko diren esaldien egileek 50 euroko saria jasoko dute.
Nobedadea
Aurten lehiaketa honen oinarrietan badago nobedade bat, eta hauxe da: pertsona batek talde batean bakarrik parte hartu ahal izango du eta taldeak gaitzizen bakarrarekin aurkeztu beharko dira lehiaketara. Pertsona batek talde baten baino gehiagotan parte hartzen badu, talde horien izenean aurkeztutako esaldiak, lehiaketaz kanpo geldituko dira.
Datu garrantzitsua da hau, zortzi urtez jarraian ez delako halako baldintzarik eskatu, baina aurten hala eskatzea erabaki du epaimahaiak.
Irakurri hemen oinarriak. (pdf formato, 64kb)