Eskoriatzako EBren ustez errepublika “etorkizuneko apustua da”; hala adierazi du Juan Luis Merinok, Eskoriatzako EBko zinegotziak. Hark gaineratu du EBk “ezkerraren aldarrikapen historikoa gura duela ipini mahai gainean: Errepublika monarkiaren alternatiba demokratiko moduan”. Merinok adierazi du Errepublikak etorkizunera begiratzea” esan gura duela eta “monarkiak, berriz, atzera begiratzea” eta gehitu du monarkiak ez duela “belaunaldi berriekin bat egiten”.
Errepublikako bandera zintzilikatu dute gaur Eskoriatzako Udalean, gogora ekartzeko gaurko egun batez baina orain dela 77 urte aldarrikatu zutela II. Errepublika. Urteurren hori aprobetxatu du Eskoriatzako Ezker Batuak "XXI. mendeko errepublika moderno, sozial, ezkerrekoa, guztiondako lekua duena eta inor isilaraziko ez duena" aldarrikatzeko.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak