Ehun hondakinen kudeaketa aztertzen duen erakusketa Ibarraundi museoan

Bihar, hilak 11, hasi eta maiatzaren 20a bitartean 'Formularik iraunkor eta solidarioena:+3Rs=- CO2' izeneko erakusketa egongo da ikusgai Ibarraundin. Ehun hondakinekin zer gertatzen den jakinarazteko eta era berean hausnartzeko erakusketa da.

Herri guztietan egon arren arropak botatzeko edukiontzi zuriak ehun-hondakinen kudeaketa, berrerabilpen eta birziklatzearen gaineko informazioa ez da batere ezaguna. Hori horrela arroparen kudeaketa nola egiten den ezagutarazteko asmoarekin sortu da Formularik iraunkor eta solidarioena kanpaina. Azalpenak emateaz gain hausnarketarako bidea zabaldu gura dute erakusketarekin, arropen bizi-zikloa luzeagoa izan dadin. Eta hiru gomendio eman dituzte: arduraz kontsumitu, berrerabili eta birziklatu.

Erakusketan Emausek sortutako Sindesperdicio marka solidarioko materiala egongo da ikusgai eta Emausen tailerretan egindako patchwork handia ere bai.

Erakusketara doazenek argibideak ematen dituen diskoa eskuratuko dute.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.