Eskoriatzako Udalak eta Ibarraundi Museoak Eskoriatzako II. Margo Lehiaketa Aire Librean antolatu dute. Lehiaketarako lanak aurkeztu bezain laster, erakusgai jarriko dituzte Ibarraundi museoan, eta 18:30ean irabazleen izenak jakitera emango dituzte.
Nagusienen artean hiru sari banatuko dituzte: 600 eurokoa, 360 eurokoa eta 240 eurokoa, hurrenez hurren. Horrez gain, 16 urtetik beherakoendako beste hiru sari daude: 150, 60 eta 30 eurokoak. Bestalde, herriko lanik onenak 150 euro eskuratuko ditu. Lan guztiak erakusgai egongo dira Ibarraundi museoan hilaren 20ra arte.