Harrera ekitaldian udaleko idazkariak Eskoriatzako Udalbatzaren gaineko informazioa eman die diputatuei eta Eskoriatzako elizateen berri ere eman die. Pedro Lasagabaster alkateak azaldu du ohore bat dela diputatu nagusia eta Kultura diputatua herrian izatea; gertutasun politika baten seinale dela adierazi du eta gaineratu du aurreko legealdietan Eskoriatzan ez dela gertutasun hori sumatu.
Harrera ekitaldiaren ostean herrian egiten diharduten eta aurreikusten diren zenbait lan eta proiektu bisitatu dituzte. Bidegorria, unibertsitatea eta Santanako zinema zaharra, besteak beste.
Diputatu nagusiak, bere aldetik, adierazi du Gipuzkoaren ezaugarri garrantzitsuenetako bat dela lurraldeen arteko oreka eta hori mantendu eta indartzeko lan egingo dutela.