Datorren denboraldirako hitzarmena sinatu dute Sukiak eta Eskoriatzako Kirol Elkarteak

Sukia Eskoriatzako Kirol Elkartearen babeslea izango da datozen bi urteetan. Kirol Elkarteko Manolo Muñozek eta eraikuntza enpresako Jose Manuel Egañak akordio horren hitzarmena sinatu zuten joan den eguenean Elorreta auzoan, Eskoriatzako alkate Pedro Lasagabaster ondoan zutela. Taldeen ekipamenduak babesteaz arduratuko da Sukia.

Agerraldian Muñozek jakinarazi zuen, datorren denboraldiari begira, elkarteak 70.000 euro izango dituela saskibaloi eta futbol-aretoko hiruna taldetan eta pilota eta mendi talde banan gastatzeko. Diru iturriak zeintzuk diren azaldu zuen jarraian: bazkideak, Udala, bestelako erakunde publikoak eta enpresa pribatuak, babesleak, publizitatea eta txartelak. Azpimarratu zuen 45 urte beteko dituen kirol elkartean "serio" egiten dutela lan.

Batzar orokorra

Azkenik, datorren uztailaren 11n, 19:00etan, Eskoriatzako Kirol Elkarteak ohiko batzar orokorra egingo dutela iragarri zuen.

Sukiako Egaña eta Lasagabaster alkatea ere pozik azaldu ziren eguenean sinatutako hitzarmenarekin.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.