Datorren eguen edo egubakoitz aldera bukaera emango diete San Juan kaleko lanei. Hala jakinarazi dute Sukia enpresako arduradunek. Asfaltatze lanak egiten diharduten bitartean, bertatik pasa daiteke noranzkoak tartekatzen dihardute-eta.
San Juan kalea urbanizatzeko lanak maiatzean hasi zituzten, eta etenaldi bat izan zuten. Aldundia egiten dabilen bidegorriaren Aingeru Guarda-Sorautz tramuak puntu berean bat egiten duelako.
Bidegorriaren tramu horrertako zatia, San Juan kale azpikoa, egiteko ezinbestekoa izan zen zirkulazioa etetea, baina bide alternatibo bat egin zuten horretarako. Hala, Bolibarretik gora eta behera ibiltzeko ez dute arazorik izan herritarrek.
Hala, dagoeneko, San Juan kaleari aurreikusitako zabalera eman diote eta bertan espaloiak ere jarri dituzte.