Auzoa eraberritzeko lanek 1.897.000 euroko aurrekontua izan dute, eta hortik %30a, hau da, 639.000 euro Eusko Jaurlaritzak ordaindu du.
Hain zuzen ere, astelehenean egin zuten ezohiko osoko bilkuran azkeneko ordainketa egitea onartu zuten.
Auzoa eraldatuta
Auzoa zelan gelditu den ikustea besterik ez dago esateko auzoa eraldatuta edo txukunduta dagoela. Hala uste dute ere Udaleko Obra eta Zerbitzuen Saileko arduradunek: merezi izan duela denbora luzean hartutako lanak eta hango bizilagunek lanen ondorioz izan dituzten eragozpenak zerbaitetarako izan direla.
Hain zuzen ere, lan dezente egin dituzte auzoan: saneamendu guztiak aldatu dituzte; erreka ondoko paseoa egin dute; jolasgunea zeharo eraberritu dute; aparkaleku berriak egin dituzte; espaloiak txukundu; kale-argiak eta pibotak jarri dituzte eta abar.