Bart gauean izan da atxiloketa Eskoriatzan. Ertzaintzaren arabera, atxiloketaren momentuan bost gizonezkoak kable elektrikoa erretzen ari ziren, barruko kobrea ateratzeko. Ertzaintza ikertzen ari da Bergaran izan diren kable lapurreta batzuen egileak eta Aretxabaletako txatartegi batean lapurreta egiten saiatu zirenak ote diren atxilotutakoak.
Atzo, domeka, 23:15ak aldean jaso zuen Ertzaintzak dei bat Eskoriatzako GI-3343 errepide ondoan sua egiten ari zirela-eta. Ertzain patruila bat joan zen bertara eta hiru lagun ikusi zituzten telefono eta elektrizitate kablea ziruditen zenbait material erretzen, 35 kilo ingurukoak. Inguruan auto bat topatu zuten, barruan bi gizonezko zeudela. Auto hori azaroaren 15ean Aretxabaletako enpresa batean egindako lapurretarekin lotuta dago.
Ertzain dioenez, topatu zituzten kableak urrian Bergaran lapurtu zituztenak izan daitezke.
Bost atxilotu
Atxilotuak dira L.L. 20 urtekoa, A.L.F. 24 urtekoa, A.G. 33 urtekoa, L.P.M. 28 urtekoa eta D.G.L. 28 urtekoa. Guztiei indarrez lapurreta egitea egotzi diete.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak