Bizkaiko txakolin berria dastatu ahal izango da zapatuan

Eskoriatzako Azkoaga Enea hotelean Bizkaiko Txakolina jatorri-izeneko 2008ko uztaren aurkezpena eta dastatzea egingo dute zapatuan, otsailak 28, 18:30ean. Sei upelategitako ardoak dastatzeko aukera izango dute hara joaten direnek, sei euroren truke.

Esan bezala, ekitaldia 18:30ean hasiko da, Elorrioko Mikel Garaizabal enologoaren eskutik. Uzta berria aurkeztuko du eta, jarraian, 21:00ak bitartean, sei upelategitako ardoak dastatzeko aukera izango dute hara joaten direnek: Itsasmendi, Doniene Gorrondona, Magalarte, Erdiokoetxe eta Mendraka, hain zuzen.

Azkoaga Eneko arduradun Valen Gomezek azaldu duenez, sei euro balio duen txartela eskuratu beharko da. Jendeak txakolina dastatzen duten bitartean, upelategi bakoitzaren gaineko azalpenak emango ditu Garaizabalek.

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.