Batzar Nagusietako EB-Berdeek Zarimuzko istripuaren gaineko azalpenak eskatu dituzte

Gipuzkoako Batzar Nagusietan Ezker Batuak-Berdeak taldeko ordezkari Arantza Gonzalezek eskatu du Aldundiko Errepide eta Azpiegituren arduradun Eneko Goyak autobideko lanetan Zarimutzen gertatutako istripuaren gainean azalpenak ematea.

EB-Berdeak taldeak kezka handia du joan den egubakoitzean Zarimutzen, Eibar-Gasteiz autobidearen lanetan gertatutako istripuaren gainean. Ez zen zauriturik izan, baina 15 metro altuera eta 30 metroko oinarria daukan horma jausi zen. Gonzalezen esanetan, batzarkideek istripu horren "zergatiak, arazoari konponbidea emateko eginbeharrak eta konponketaren iraupenaren" gaineko informazioa jasotzeko "eskubide osoa" dute.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.