Udaleko Kultura eta Euskara sailek, eta Udal Bibliotekak elkarlanean "Bat ekarri / Bi eruen" liburu azoka antolatu dute apirilaren 19rako. Honako hau da ekimen hori antolatzen duten hirugarren aldia. Interesatuek apirilaren 17ra arte eraman ahal izango dituzte liburuak Udal Bibliotekara.
Antolatzaileek esan dute testuliburuak kenduta, beste edozein liburu (ipuinak, eleberriak, olerkiak, sukaldaritzakoak...) eraman daitekeela azokan trukatzeko. Eramandako liburuak egoera onean badaude, liburu bakoitzaren truke bi txartel emango dizkiete herritarrei. Hala, azoka egunean txartel bakoitzeko liburu bana hartu ahal izango dute.